होम पेज » अन्य » थप ६ हजार ८५ जनामा कोरोना संक्रमण पुष्टि, ६ हजार ८ सय ९८ जना संक्रमणमुक्त

जेष्ठ १८, २०७८ – पछिल्लो २४ घण्टामा देशभर थप ६ हजार ८५ जनामा कोरोना भाइरस संक्रमण पुष्टि भएको छ । याे सँगै देशभर काेराेना भाइरस संक्रमितकाे कुल संख्या ५ लाख ६६ हजार ५ सय ८७ जना पुगेकाे छ ।

स्वास्थ्य तथा जनसंख्या मन्त्रालयले जानकारि दिए अनुसार देशभर १७ हजार १ सय ४७ जनाको पीसीआर विधिबाट नमुना परिक्षण गर्दा ५ हजार २ सय ८५ जनामा संक्रमण पुष्टि भएको हो । याे सँगै ३ हजार १८ जनाकाे एन्टिजिन परीक्षण गर्दा ८ सय जनामा काेराेना संक्रमण पुष्टि भएकाे छ ।

यसैगरि मन्त्रालयले सार्वजानिक गरेको तथ्याङ्रक अनुसार पछिल्लो २४ घण्टामा ६८ जनाले कोरोना भाइरस संक्रमणबाट ज्यान गुमाएका छन । योसँगै हालसम्म कोरोना भाइरस संक्रमणबाट ज्यान गुमाउनेको कुल संख्या ७ हजार ४ सय ५४ जना पुगेको छ ।

यस्तै पछिल्लो २४ घण्टामा ६ हजार ८ सय ९८ जना संक्रमणमुक्त भएको मन्त्रालयले जानकारि दिएको छ । मन्त्रालयले सार्वजानिक गरेकाे तथ्यांक अनुसार काेराेना भाइरसबाट संक्रमणमुक्त हुनेकाे दर ८० दशमलव २ प्रितशत रहेकाे छ ।

प्रतिकृया दिनुहोस्

नियमित पोष्टहरु

ताजा अपडेट